Қазақстандағы ұлтшылдыққа қарсы күрес тарихы (1945-1956 жж).

Abstract

Оқу құралы ХХ ғасырдың 1945-1956 жылдар аралығында «ұлтшылдыққа» айыпталған ұлт зиялыларының тағдырларын зерделеуге арналған. Өзіндік ерекшеліктері мол тарих, әдебиет, баспасөз, өнер, ғылым қайраткерлерінің қызметі мүмкіндігінше жүйелі, объективті тұрғыдан сараланған. Оқу құралында қуғын-сүргіннің үшінші толқынына ұшыраған кеңестік қазақ зиялыларының қиын тағдыры нақты деректер негізінде сипатталған. ХХ ғасырдың 40-50 жылдарындағы өресі биік тұлғалардың тағдырын, сол жылдардағы идеологиялық күрес мәселесін зерттеу – қазақ халқының тарихын, мәдениетін және өнерін зерттеуге ұмтылысының соқпақты жылдарын тереңірек танып-білуге мүмкіндік береді. Сондықтан аталмыш оқу құралы халқымыздың тарихын білгісі келетін барша қауымға қажетті, сондай-ақ болашақ ұрпақты тәрбиелеуде атқаратын маңызы зор деп ойлаймыз. Еңбек жоғары оқу орындары мен колледж студенттері және кеңестік кезеңде өмір сүрген зиялылар тарихын білгісі келетін көпшілік қауымға арналған.